Geçen hepdäniň wakalary döredijilikli ýol bilen ynamly öňe barýan Watanymyzyň gazanýan üstünliklerini aýdyň görkezdi. Gahryman Arkadagymyz tarapyndan başy başlanyp, hormatly Prezidentimiziň baştutanlygynda yzygiderli durmuşa geçirilýän döwlet syýasaty esasynda ilatyň ýaşaýyş-durmuş derejesiniň durnukly ýokarlandyrylmagyna, ählumumy parahatçylygyň, durnukly ösüşiň bähbidine netijeli halkara hyzmatdaşlygy ösdürmäge gönükdirilen giň möçberli işler amala aşyrylýar.

19-njy ýanwarda hormatly Prezidentimiz Serdar Berdimuhamedow iş maslahatyny geçirdi. Onda ýurdumyzyň oba hojalyk toplumynda we welaýatlarda alnyp barylýan işler bilen baglanyşykly meselelere garaldy. Maslahatyň dowamynda bugdaýa ideg etmekde agrotehnikanyň kadalaryny ýerine ýetirmek, pagta öndürijileri ýokary hilli gowaça tohumy bilen ýeterlik möçberde üpjün etmek, geljek möwsümde ulanyljak oba hojalyk tehnikalaryny talabalaýyk taýýarlamak, ýeralma hem-de gök-bakja ekinleriniň ýazky ekişine gowy taýýarlyk görmek ýaly meselelere aýratyn üns berildi.

Döwlet Baştutanymyz ýurdumyzda azyk bolçulygyny has-da pugtalandyrmak üçin pudagy ulgamlaýyn döwrebaplaşdyrmagyň, önümçilige ylmy taýdan esaslandyrylan innowasion çemeleşmeleri, öňdebaryjy dünýä tejribesini ornaşdyrmagyň zerurdygyny nygtady. Aýratyn-da, pagta we bugdaý, Lebap welaýatynda şaly, Mary welaýatynda bolsa gant şugundyryny öndürijiler bilen ýerine ýetirilen işler boýunça hasaplaşyklaryň geçirilişine berk gözegçilik etmek tabşyryldy. Ýurdumyzy durmuş-ykdysady taýdan ösdürmegiň maksatnamasyna laýyklykda, welaýatlarda meýilleşdirilen işleri öz wagtynda we ýokary hilli ýerine ýetirmek üçin zerur çäreleri görmegiň wajypdygyna üns çekildi.

21-nji ýanwarda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Döwlet howpsuzlyk geňeşiniň giňişleýin göçme mejlisini geçirdi. Onda harby we hukuk goraýjy edaralar tarapyndan 2025-nji ýylda alnyp barlan işleriň netijelerine seredildi hem-de şu ýylda bu düzümleriň öňünde durýan esasy wezipeler kesgitlenildi.

Döwlet Baştutanymyz 2026-njy ýylda hem Türkmenistanyň Ýaragly Güýçlerini yzygiderli kämilleşdirmek we ösdürmek, onuň maddy-tehniki binýadyny döwrebaplaşdyrmak, harby gullukçylaryň ýaşaýyş-durmuş, gulluk şertlerini has-da gowulandyrmak, olaryň hünär taýýarlygyny we bilimini kämilleşdirmek boýunça işleri dowam etdirmegiň möhümdigini belledi. Hormatly Prezidentimiz şu ýyl Watanymyzyň Garaşsyzlygyna 35 ýyl dolýandygyny göz öňünde tutup, bu baýrama hemmetaraplaýyn taýýarlyk görmek babatda anyk görkezmeleri berdi. Şunuň bilen bir hatarda, döwlet Baştutanymyz mejlise gatnaşyjylary, ýurdumyzyň harby we hukuk goraýjy edaralarynyň ähli harby gullukçylaryny, işgärlerini 27-nji ýanwarda bellenilýän Watan goragçylarynyň güni mynasybetli gutlady hem-de harby we hukuk goraýjy edaralaryň harby gullukçylaryny, işgärlerini döwlet sylaglary bilen sylaglamak, olara harby we ýörite atlary dakmak hem-de hünär derejelerini bermek barada resminamalara gol çekdi.

21-nji ýanwarda hormatly Prezidentimiz Birleşen Milletler Guramasynyň Azyk we oba hojalyk guramasynyň (FAO) Baş direktory Suý Dunýuýy kabul etdi. Döwlet Baştutanymyz myhmanyň Türkmenistana amala aşyrýan saparynyň dowamynda howanyň üýtgemegi bilen bagly şertlerde azyk howpsuzlygy boýunça gatnaşjak sebitleýin maslahatynyň bu meseleler boýunça pikir alyşmak üçin möhüm meýdança boljakdygyny belledi. Häzirki wagtda FAO bilen hyzmatdaşlygyň çäklerinde oba hojalyk pudagyny döwrebaplaşdyrmaga gönükdirilen birnäçe taslamalar amala aşyrylýar. Şeýle hem “Ýaşyl” howa gaznasynyň çäklerindäki başlangyçlar, “Bitewi saglyk” konsepsiýasy babatda çemeleşmeler ilerledilýär. Döwlet Baştutanymyz Türkmenistanyň Azyk we oba hojalyk guramasy bilen hyzmatdaşlygy mundan beýläk-de giňeltmäge taýýardygyny tassyklady.

23-nji ýanwarda hormatly Prezidentimiz sanly ulgam arkaly Ministrler Kabinetiniň nobatdaky mejlisini geçirdi. Onda döwlet durmuşyna degişli birnäçe meselelere seredildi. Şolaryň hatarynda milli kanunçylygy kämilleşdirmek, nebitgaz toplumy üçin ýokary derejeli hünärmenleri taýýarlamak, oba hojalyk pudagyny toplumlaýyn ösdürmek, “Türkmenhimiýa” döwlet konserniniň garamagyndaky zawodlaryň maddy-enjamlaýyn binýadyny döwrebaplaşdyrmak, sanly ykdysadyýeti ösdürmek meseleleri bar.

Hormatly Prezidentimiziň garamagyna “Türkmenistany 2026-njy ýylda durmuş-ykdysady taýdan ösdürmegiň we maýa goýum Maksatnamasynyň” taslamasy hödürlenildi. Onda ýurdumyzyň makroykdysady görkezijilerini we jemi içerki önümiň ösüş depginini durnukly ýagdaýda saklamak boýunça çäreler göz öňünde tutulýar. Şu ýyl üçin öňde goýlan esasy wezipeler hökmünde milli ykdysadyýetimiziň bäsdeşlige ukyplylygyny ýokarlandyrmak, ekologik taýdan arassa, ýokary hilli oba hojalyk we beýleki azyk önümleriniň öndürilişini artdyrmak, azyk howpsuzlygyny üpjün etmek, daşky gurşawy goramak, sanly tehnologiýalary, “ýaşyl” ykdysadyýeti ornaşdyrmak ýaly meseleler görkezildi. Geljegi uly meýilnamalaryň hatarynda kiçi we orta telekeçiligi ösdürmek, maýa goýum syýasatyny işjeňleşdirmek, önümçilik, durmuş maksatly desgalaryň gurluşygyna gönükdirilýän maýa goýumlaryň möçberini artdyrmak, sebitlerde täze iş orunlaryny döretmek ýaly meseleler bellenildi. Şunuň bilen bir hatarda, ilatyň durmuş taýdan goraglylygyny üpjün etmek, girdejilerini yzygiderli artdyrmak, ýaşaýyş-durmuş derejesini has-da gowulandyrmak bilen bagly çäreleri amala aşyrmak göz öňünde tutulýar.

Hökümet mejlisiniň dowamynda Serbiýa Respublikasynyň Belgrad şäherinde geçiriljek “EKSPO — 2027” Bütindünýä ýöriteleşdirilen sergisine gatnaşmaga görülýän taýýarlyk işleri barada habar berildi. “Oýun adamzat üçin: sport we saz hemmeler üçin” şygary bilen geçiriljek sergä ýurdumyzyň milli pawilýony “Türkmenistan — parahatçylygyň owazy, saglygyň mekany” diýen şygar astynda gatnaşar. Mundan başga-da, fewral aýynyň dowamynda 2026-njy ýylyň “Garaşsyz, baky Bitarap Türkmenistan — bedew batly at-myradyň mekany” ýyly diýlip yglan edilmegi, Türkmenistanyň diplomatik işgärleriniň güni, Türkmenistanyň Garaşsyzlygynyň şanly 35 ýyllyk baýramy mynasybetli geçiriljek esasy çäreleriň Tertibi barada hasabat berildi. Şeýle hem mart aýynda ýurdumyzyň ýokary okuw mekdeplerinde halkara olimpiadalaryň geçirilmeginiň meýilleşdirilýändigi aýdyldy.

Mejlisiň dowamynda Halkara Zähmet Guramasy (HZG) bilen hyzmatdaşlyk boýunça çäreleriň «Ýol kartasyny» 2026-njy ýylyň ahyryna çenli uzaltmak, emeli aňy ösdürmek boýunça milli ülňüleri hem-de tehniki kadalaşdyryjy namalary işläp taýýarlamak baradaky teklipler beýan edildi. Döwlet Baştutanymyz beýan edilen teklipleri makullap, zerur işleri geçirmegi tabşyrdy.

23-nji ýanwarda hormatly Prezidentimiz Serdar Berdimuhamedow ýurdumyza sapar bilen gelen Amerikanyň Birleşen Ştatlarynyň goşun ministri Deniýel Driskolly hem-de ABŞ-nyň Prezidentiniň Günorta we Merkezi Aziýa boýunça ýörite ynanylan wekili, ABŞ-nyň Hindistan Respublikasyndaky ilçisi Serjio Gory kabul etdi. Duşuşygyň dowamynda nygtalyşy ýaly, Türkmenistan bilen ABŞ-nyň arasyndaky gatnaşyklar özara hormat goýmak, ynanyşmak, düşünişmek ýörelgelerine esaslanyp, syýasy-diplomatik, söwda-ykdysady, medeni-ynsanperwer ulgamlary öz içine alýar. Söhbetdeşler soňky ýyllarda iki ýurduň arasynda durnukly ösüşi, howpsuzlygy üpjün etmek, howanyň üýtgemegi ýaly ählumumy meseleler boýunça pikir alyşmaga mümkinçilik berýän işjeň syýasy dialogyň alnyp barylýandygyna ünsi çekdiler.

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Amerikanyň Birleşen Ştatlarynyň Prezidentiniň Günorta we Merkezi Aziýa boýunça ýörite ynanylan wekili, ABŞ-nyň Hindistan Respublikasyndaky ilçisi Serjio Gor bilen geçiren duşuşygynda hem ABŞ bilen özara hormat goýmaga, düşünişmäge esaslanýan gatnaşyklar barada pikir alşyldy.

24-nji ýanwarda Türkmenistanyň Prezidenti, ýurdumyzyň Ýaragly Güýçleriniň Belent Serkerdebaşysy goşun generaly Serdar Berdimuhamedow Lebap welaýatynda Ýaragly Güýçleriň harby bölümleriniň täze binalar we desgalar toplumynyň açylyş dabarasyna gatnaşdy. Ýokary halkara ölçeglere, harby-guramaçylyk talaplaryna doly laýyk gelýän bu toplum nyzam meýdançasyndan, esgerler naharhanasyndan, medeniýet öýünden, esgerler ýatakhanalaryndan, lukmançylyk nokadyndan, açyk sport meýdançasyndan, meýdan okuw-türgenleşik suw howdanyndan, awtoulaglar üçin duralgadan, dikuçar meýdançasyndan, gulluk, hojalyk we durmuş maksatly binalardan ybaratdyr.

Ýurdumyzyň Ýaragly Güýçleriniň Belent Serkerdebaşysy toplumyň dolandyryş binasyna, esgerler ýatakhanasyna, naharhanasyna hem-de harby gullukçylar we olaryň maşgala agzalary üçin niýetlenen täze, döwrebap ýaşaýyş jaýlaryna baryp gördi. Şeýle hem hormatly Prezidentimiz ýurdumyzyň harby düzümlerine täze gelip gowşan döwrebap harby tehnikalar, uçarmansyz uçýan enjamlar bilen tanyşdy. Meýdan okuw-türgenleşik suw howdanynda ýöriteleşdirilen awtoulaglaryň kömegi bilen suwuň üstünde köpriniň gurnalyşy hem-de onuň üstünden harby tehnikalaryň geçişi görkezildi.

Harby bölümleriň täze binalar we desgalar toplumynyň açylyş dabarasy mynasybetli Türkmenistanyň Ýaragly Güýçleriniň Belent Serkerdebaşysy täze awtoulaglaryň açarlaryny gowşurdy we Milli goşunymyzyň maddy-enjamlaýyn binýadynyň mundan beýläk-de barha berkidiljekdigini aýtdy.

24-nji ýanwarda Arkadag şäherinde Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň bejeriş işleri boýunça wise-prezidenti Oguljahan Atabaýewa bilen BMG-niň Çagalar gaznasynyň (ÝUNISEF) Türkmenistandaky wekili Jalpa Ratnanyň arasynda duşuşyk geçirildi. Duşuşygyň dowamynda ýurdumyzyň ýaş raýatlarynyň bähbidine köpýyllyk netijeli dialogy mundan beýläk-de pugtalandyrmagyň meselelerine garaldy. ÝUNISEF-niň Türkmenistandaky wekilhanasy bilen haýyr-sahawat gaznasynyň arasynda gol çekilen özara düşünişmek hakynda Ähtnamanyň durmuşa geçirilmegi duşuşykda ara alnyp maslahatlaşylan esasy meseleleriň biri boldy. Nygtalyşy ýaly, häzirki wagtda ikitaraplaýyn hyzmatdaşlyk yzygiderli we uzak möhletleýin häsiýete eýe bolup, saglygy goraýyş, inklýuziw bilim, çagalaryň durmuşa goşulyşmagy ýaly dürli ugurlary öz içine alýar. Duşuşygyň dowamynda taraplar ynsanperwer meseleleriň giň toplumy boýunça ýakyn dialogy dowam etdirmegi maksat edinýändiklerini tassykladylar.

Geçen hepdäniň dowamynda hormatly Prezidentimiziň tabşyrygy boýunça Mejlisde Çad Respublikasynyň Türkmenistanda täze bellenen Adatdan daşary we Doly ygtyýarly ilçisi Mahamud Adam Beşirden ynanç haty kabul edildi. Diplomat milli parlamentiň düzümi we onuň alyp barýan işleri, Türkmenistanyň içeri hem-de daşary syýasatynyň esasy ugurlary bilen tanyşdyryldy. Şeýle-de özara gyzyklanma bildirilýän ugurlar boýunça ikitaraplaýyn hyzmatdaşlygy ösdürmek babatda pikir alşyldy.

Aşgabatda Birleşen Milletler Guramasynyň Merkezi Aziýa ýurtlarynyň ykdysadyýetleri üçin Ýörite maksatnamasynyň (SPECA) hepdeliginiň çäklerinde ykdysady forum geçirildi. Foruma gatnaşyjylaryň giň wekilçilikli düzümi BMG-niň howandarlygynda netijeli sebit hyzmatdaşlygyny ösdürmek ugrunda çykyş edýän Türkmenistanyň halkara abraýynyň barha artýandygynyň aýdyň güwäsi boldy. Foruma gatnaşyjylaryň hatarynda Merkezi Aziýa ýurtlarynyň, Azerbaýjanyň, Hindistanyň ugurdaş ministrlikleriniň we pudaklaýyn dolandyryş edaralarynyň, halkara guramalaryň, şol sanda BMG-niň ýöriteleşdirilen edaralarynyň, Ýewropa Bileleşiginiň, Bütindünýä bankynyň hem-de beýleki düzümleriň ýolbaşçylarydyr wekilleri bar.

Ýewraziýa giňişliginde ykdysady hyzmatdaşlygyň täze arhitekturasyny kemala getirmegiň mümkinçiliklerine hemmetaraplaýyn garamak forumyň esasy maksady boldy. Sebit arabaglanyşygynyň, hususan-da, energetika, ulag, söwda ýaly esasy ugurlarda özara baglanyşygyň pugtalandyrylmagyna aýratyn üns berildi. Ara alyp maslahatlaşmalaryň dowamynda sanly geçiş, innowasion ösüş meselelerine aýratyn orun berildi. Mejlise gatnaşyjylar gümrük, söwda amallaryna BMG-niň öňdebaryjy standartlaryny ornaşdyrmagyň zerurdygyny nygtadylar.

Foruma gatnaşyjylar türkmen tarapynyň öňe süren, serhetüsti başlangyçlary maliýe taýdan goldamak boýunça köptaraplaýyn gaznany döretmek baradaky teklibini goldadylar. Bu gazna “ýaşyl” ykdysadyýet, energetika, howanyň üýtgemegine uýgunlaşmak ulgamlarynda taslamalary durmuşa geçirmek üçin serişdeleri üpjün etmäge ýardam berer. Bellenilişi ýaly, uzak möhletleýin strategik maksatnamalara geçmek Merkezi Aziýany we Kawkaz sebitini gülläp ösýän, ählumumy durnukly ösüşe saldamly goşant goşýan sebite öwürmäge mümkinçilik berer.

Geçen hepdäniň dowamynda Aşgabatda “Howanyň üýtgemegi şertlerinde saglyk we iýmitleniş” atly halkara maslahat geçirildi. Oňa Türkmenistanyň ugurdaş ministrlikleriniň, Birleşen Milletler Guramasynyň Azyk we oba hojalyk boýunça guramasynyň (FAO), Ösüş maksatnamasynyň, beýleki halkara guramalaryň ýolbaşçylary hem-de wekilleri, Gazagystanyň, Gyrgyzystanyň, Özbegistanyň, Täjigistanyň, Eýranyň, Russiýanyň wekilleri gatnaşdylar. Forumyň çäklerinde Merkezi Aziýada howanyň üýtgemegine durnuklylygy pugtalandyrmaga gönükdirilen sebit başlangyçlary ara alnyp maslahatlaşyldy. Şeýle hem oba hojalygyny howanyň üýtgemegine uýgunlaşdyrmak boýunça maksatnamalary durmuşa geçirmekde halkara hyzmatdaşlygyň, bu işe BMG-niň ýöriteleşdirilen düzümlerini işjeň çekmegiň ähmiýeti nygtaldy.

Ara alyp maslahatlaşmalaryň dowamynda adamyň, oba hojalyk mallarynyň we daşky gurşawyň arabaglanyşygyny ykrar edýän “Bitewi saglyk” maksatnamasyna üns çekildi. Onuň milli strategiýalara ornaşdyrylmagy daşky täsirlere garşy durmaga ukyply, howpsuz azyk önümçilik ulgamlaryny döretmäge ýardam berýär. Halkara maslahatyň çäklerinde Türkmenistanyň degişli edaralary bilen FAO-nyň arasynda howanyň üýtgemeginiň çäklerinde azyk howpsuzlygyny üpjün etmekde halkara hyzmatdaşlygy berkitmek boýunça degişli resminamalara gol çekildi.

Ahalteke bedewlerimiziň we ussat çapyksuwarlarymyzyň, şeýle-de medeni mirasymyzyň halkara derejede ykrar edilmegi «Garaşsyz, baky Bitarap Türkmenistan — bedew batly at-myradyň mekany» ýylynda ynamly öňe barýan ýurdumyzyň täze üstünlikleriniň üstüni ýetirdi. Monako Knýazlygynyň Monte-Karlo şäherinde 16 — 25-nji ýanwar aralygynda geçirilen 48-nji halkara sirk sungaty festiwalynyň çäklerinde guralan dabaranyň dowamynda bu çärä hormatly myhman hökmünde gatnaşan Türkmenistanyň Prezidentiniň Ahalteke atçylyk toplumynyň «Galkynyş» milli at üstündäki oýunlar toparynyň we Türkmenistanyň Döwlet sirkiniň ýolbaşçylaryna Bütindünýä sirk federasiýasy hem-de Ýewropa Sirk assosiasiýasy tarapyndan sirk sungatyna uly goşandy üçin halkara şahadatnamalar gowşuryldy.

Şeýlelikde, geçen hepdäniň wakalary hormatly Prezidentimiz Serdar Berdimuhamedowyň ýurdumyzyň ykdysady kuwwatyny artdyrmagy, onuň dünýä giňişligindäki abraýyny pugtalandyrmagy, halkymyzyň abadançylygynyň ýokarlandyrylmagyny maksat edinýän giň gerimli özgertmeleriniň üstünlikli durmuşa geçirilýändiginiň aýdyň mysaly boldy.

Ätiýaçlyk nusga döretmek üçin:
os.telecom.tm dolandyryş paneline giriň. “Maşynlar” bölüminde Wirtual serwerleriňizi görersiňiz. Her bir serweriň sag tarapynda ýerleşýän goşmaça menýu arkaly ätiýaçlyk nusgasyny döretmek mümkin. Ätiýaçlyk nusgasy döredilenden soň, şol menýuda aşakdaky düwmeden serweri gaýtadan dikeltmek ýa-da şol nusgadan täze serwer döretmek mümkinçilikleri elýeterlidir.

Wirtual serweriň nusgalarynyň sagatlaýyn bahalary:

0–60 GB | 0.58 TMT / sagat

61–120 GB | 1.16 TMT / sagat

121–200 GB | 1.93 TMT / sagat

201 GB we ýokary | 2.89 TMT / sagat

Domeni dolandyrmak üçin:
Wirtual serwerleriň dolandyryş panelinde domeniňizi birikdirmek üçin, Wirtual serwerleriň we domeniň eýesi abonent bölümine ýüz tutup biler. Soňra bolsa tehniki bölümiň hünärmenleri domeniňizi paneliňize birikdirip bererler we siz wirtual serwerleriň panelinde öz domeniňizi dolandyryp bilersiňiz.

Goşmaça maglumat üçin:

• Abonent bölümi: 955914
• Tehniki bölüm: 481503

Türkmenistanyň Prezidenti Serdar Berdimuhamedowyň adyna täze, 2026-njy ýyl mynasybetli daşary ýurt döwletleriniň Baştutanlaryndan gutlaglaryň gelmegi dowam edýär. Bu barada TDH habar berýär.

Hususan-da, türkmen döwletiniň Baştutanyny Gazagystan Respublikasynyň Prezidenti Kasym-Žomart Tokaýew, Belarus Respublikasynyň Prezidenti Aleksandr Lukaşenko, Ermenistan Respublikasynyň Prezidenti Waagn Haçaturýan, Mýanma Bileleşigi Respublikasynyň Prezidentiniň wezipesini ýerine ýetiriji Min Aun Hlaýng, Latwiýa Respublikasynyň Prezidenti Edgar Rinkewiç, Müsür Arap Respublikasynyň Prezidenti Abdel Fattah Al-Sisi, Wengriýanyň Prezidenti Tamaş Şuýok we beýlekiler gutladylar.

Daşary ýurtlaryň ýolbaşçylary öz hatlarynda 2026-njy ýylyň parahat, durnukly we howpsuz geljegi gurmagyň bähbidine dialoga hem-de özara düşünişmäge esaslanýan bilelikdäki tagallalara, netijeli hyzmatdaşlyga beslenjekdigine, geljekde dostlukly gatnaşyklaryň we ýakyndan hyzmatdaşlygyň has-da pugtalandyryljakdygyna ynam bildirdiler.

Hormatly Hyzmatdaşlyk boýunça ýapon-türkmen komitetiniň agzalary!
Ýapon işewürler jemgyýetçiliginiň wekilleri!
Hanymlar we jenaplar!

Sizi — biziň wagtyň synagyndan geçen ygtybarly hyzmatdaşlarymyz bolan öňdebaryjy ýapon kompaniýalarynyň ýolbaşçylaryny we wekillerini tüýs ýürekden mübärekleýärin. Bu kompaniýalar bilen Türkmenistany köpýyllyk netijeli hem-de özara bähbitli hyzmatdaşlyk baglanyşdyrýar. Pursatdan peýdalanyp, bu duşuşygy geçirmek baradaky başlangyjyňyz, türkmen-ýapon ykdysady hyzmatdaşlygynyň häzirki ýagdaýyny we geljekde ony ösdürmegiň ýollaryny giňişleýin ara alyp maslahatlaşmaga döredilen mümkinçilik üçin size minnetdarlygymy beýan edýärin.

Türkmenistan ýapon kompaniýalary bilen ýola goýlan hem-de netijeliligini görkezen gatnaşyklary yzygiderli giňeltmegini dowam etdirýär. Şol bir wagtda biz täze, has giň gerimli we uzak geljegi nazarlaýan maksatlara ýetmegi ugur edinýäris. Türkmenistan bilen Ýaponiýanyň arasyndaky hyzmatdaşlyk uzak möhletleýin, durnukly, köpugurly häsiýete eýedir. Ol hemişe özara hormat goýmak, ynanyşmak hem-de bähbitlilik ýörelgeleri esasynda alnyp baryldy we dowam etdirilýär.

Türkmenistan üçin Ýaponiýa ýokary tehnologiýaly ösüşiň, ykdysadyýete innowasion esasda çemeleşmegiň, senagat ösüşi bilen ekologik jogapkärçiligiň sazlaşykly utgaşdyrylmagynyň nusgasy bolup durýar. Ýapon kompaniýalarynyň ylym, senagat, önümçilik işlerini dolandyrmak, korporatiw menejment ulgamynda ýeten sepgitleri biziň üçin milli ykdysadyýetimizi döwrebaplaşdyrmakda hem-de onuň bäsdeşlige ukyplylygyny ýokarlandyrmakda möhüm nusga bolup hyzmat edýär.

Türkmenistan ykdysadyýetiniň toplumlaýyn döwrebaplaşdyrylmagynyň zerurdygyna düşünmek bilen, öz tagallalaryny birnäçe ileri tutulýan wezipelere gönükdirdi. Şolaryň hatarynda ösüşiň innowasion strategiýalaryny ornaşdyrmak, senagatlaşdyrmagy çaltlaşdyrmak, “ýaşyl” geçiş, energetika pudagyny diwersifikasiýalaşdyrmak, milli we halkara ulag-logistika arabaglanyşygy ösdürmek ýaly wezipeler bar. Biz bu ugurlaryň her biri boýunça ýapon kompaniýalarynyň işjeň gatnaşmagy üçin hakyky we özara bähbitli mümkinçilikleri görýäris.

Iri ýapon kompaniýalarynyň Türkmenistanda köp ýyllaryň dowamynda alyp barýan işlerine ýokary baha berýäris we olara minnetdarlyk bildirýäris. “ITOCHU”, “Kawasaki”, “Mitsubishi”, “Sojitz”, “Toyo”, “Mitsui”, “Sumitomo”, “Komatsu”, “Toyota” we beýleki birnäçe kompaniýalar türkmen ykdysadyýetiniň ösüşine uly goşant goşdular we goşant goşmagyny dowam etdirýärler. Olaryň energetika, mineral serişdeleri gazyp almak pudagynda, himiýa senagaty, ulag, obasenagat toplumynda iri taslamalary durmuşa geçirmäge gatnaşmagy netijeli we jogapkärçilikli hyzmatdaşlygyň aýdyň mysalydyr.

Soňky ýyllarda ýapon kompaniýalarynyň gatnaşmagynda Türkmenistanda häzirki zaman iri senagat desgalary ulanmaga berildi. Şolaryň hatarynda Marydaky we Garabogazdaky ammiak hem-de karbamid önümçiligi boýunça gazhimiýa toplumlaryny, Gyýanlydaky polimer zawodyny, Owadandepedäki tebigy gazdan benzin öndürýän zawody, Çärjew etrabyndaky gazturbinaly elektrik stansiýasyny görkezmek bolar. Bu taslamalar diňe bir ykdysady däl, eýsem, strategik ähmiýete hem eýe bolup, ýurdumyzyň senagat kuwwatyny tehnologik taýdan döwrebaplaşdyrmaga hem-de diwersifikasiýalaşdyrmaga ýardam edýär.

Bilelikdäki işlerimiziň netijeleri häzirki wagtda geljege has ynamly garamaga mümkinçilik berýär. Türkmenistan ýapon işewürler jemgyýetçiligine uzak möhletleýin maýa goýumlary, özara bähbitli hyzmatdaşlyk üçin amatly şertleri teklip etmäge taýýardyr. Energetika, şol sanda energiýanyň gaýtadan dikeldilýän çeşmelerini, ulag we logistika ulgamlaryny, ýokary tehnologiýaly we ekologiýa ugurly önümçilikleri, suw serişdelerini dolandyrmak, infrastruktura desgalaryny döwrebaplaşdyrmak, hünärmenleri taýýarlamak, olaryň hünär derejesini ýokarlandyrmak ýaly ulgamlary ileri tutulýan ugurlaryň hatarynda belleýäris.

Biz türkmen bazarynda ýapon tehnologiýalaryny we önümlerini, ilkinji nobatda, maşyngurluşyk, elektronika, himiýa senagaty önümlerini işjeň ilerletmäge taýýardyrys. Şol bir wagtda Türkmenistan suw serişdelerini tygşytlamak, suwy arassalamak, önümçilik galyndylaryny dolandyrmak, “ýaşyl” we wodorod energetikasy ulgamlarynda öňdebaryjy ýapon tehnologiýalaryny hem-de tejribesini çekmäge gyzyklanma bildirýär.

Mälim bolşy ýaly, aprel aýynda geçiren duşuşygymyzyň dowamynda biz sirkulýar ykdysadyýete geçmegiň möhümdigi baradaky meseläni ara alyp maslahatlaşypdyk. Häzirki wagtda Türkmenistanda bu ugra aýratyn üns berilýär. Biz senagat infrastrukturasyny döwrebaplaşdyrmak, galyndylaryň gaýtadan işlenilmegini ösdürmek hem-de serişdeleri rejeli peýdalanmak kadalaryny ornaşdyrmak ugrunda iş alyp barýarys. Biziň “Mitsubishi”, “Toyota”, “Mitsui”, “Sumitomo” ýaly ýapon kompaniýalarynyň bu ulgamda öňdebaryjy çözgütleri we tehnologiýalary bilen oňat tanyşlygymyz bar. Şunuň bilen baglylykda, ýapon kompaniýalaryna birnäçe anyk başlangyçlara garamagy teklip edýärin.

Birinjiden, galyndylary saýpallamagyň, gaýtadan işlemegiň we ikinji gezek peýdalanmagyň hasabyna olaryň ýörite bellenilen meýdançalara iberilýän möçberini mümkin boldugyça azaltmak maksady bilen, durmuş we gurluşyk galyndylaryny gaýtadan işlemek boýunça döwrebap zawodyň gurluşygynyň taslamasyny işläp düzmegi teklip edýäris.

Ikinjiden, hapa suwlary senagatda we jemagat hojalygynda gaýtadan peýdalanmaga mümkinçilik berjek derejä çenli arassalamagyň hilini ýokarlandyrmaga gönükdirilen taslamany amala aşyrmagy maksadalaýyk hasap edýäris.

Üçünjiden, daşky gurşawda plastik galyndylaryň möçberini azaltmak hem-de polietileni ikinji gezek ulanmaga ibermek üçin plastik çüýşeleri gaýtadan işlemek boýunça kiçi zawodlaryň taslamasyny öwrenmäge taýýardyrys.

Dördünjiden, metal, plastik we elektron elementleri özünde jemleýän howply we uzak wagtlap dargamaýan galyndylaryň möçberini azaltmak maksady bilen, durmuş tehnikasyny gaýtadan işlemek boýunça kiçi zawodyň taslamasyny durmuşa geçirmek mümkinçiligini öwrenmegi teklip edýäris.

Hyzmatdaşlyk ýyllarynda toplanan tejribe biziň gatnaşyklarymyzyň ynanyşmak we ygtybarlylyk derejesiniň örän ýokarydygyny görkezdi. Muňa döwletara gatnaşyklaryň dostlukly häsiýeti, birek-biregiň bähbitlerine özara düşünmek we hormat goýmak ýörelgeleri ýardam berdi.

Çykyşymyň ahyrynda Türkmenistanyň Ýaponiýa bilen hyzmatdaşlygy ösdürmäge we giňeltmäge üýtgewsiz ygrarlydygyny, geljekde-de ýapon işewürlerine ýurdumyzda uzak möhletleýin esasda iş alyp barmaga hemmetaraplaýyn goldaw bermäge taýýardygymyzy tassyklamak isleýärin. Şu günki duşuşygyň iki tarapyň hem bähbitlerine laýyk gelýän täze bilelikdäki başlangyçlary we taslamalary durmuşa geçirmegiň ýolunda ýene bir möhüm tapgyr boljakdygyna ynanýaryn.

Şu gün Türkmenistanyň Prezidenti Serdar Berdimuhamedow Garaşsyz Döwletleriň Arkalaşygyna agza ýurtlaryň döwlet Baştutanlarynyň ýokary derejeli resmi däl sammitine gatnaşmak maksady bilen, Russiýa Federasiýasyna iş sapary bilen ugrady. Bu barada «Watan» habarlar gepleşiginde habar berildi.

Türkmenistanyň Prezidentini Aşgabadyň Halkara howa menzilinde resmi adamlar ugratdylar. Birnäçe sagatdan soňra döwlet Baştutanynyň uçary Sankt-Peterburg şäheriniň Halkara howa menziline gondy. Bu ýerde Türkmenistanyň Prezidentini resmi adamlar mähirli garşyladylar.

Häzirki wagtda Prezident Serdar Berdimuhamedowyň baştutanlygynda Türkmenistan dünýä jemgyýetçiligiň giň goldawyna eýe bolýan döredijilikli daşary syýasat strategiýasyny üstünlikli durmuşa geçirýär. Bu strategiýada abraýly halkara we sebit guramalarynyň, şol sanda GDA-nyň çäklerinde netijeli dialogyň pugtalandyrylmagyna aýratyn ähmiýet berilýär.

Türkmen halkynyň Milli Lideri Halkara parahatçylyk we ynanyşmak ýylynda Türkmenistanyň hemişelik Bitaraplygynyň şanly 30 ýyllygyna bagyşlanan ýurduň parahatçylyk söýüjilikli daşary syýasy ugruna berk ygrarlydygynyň nobatdaky beýanyna öwrülen giň möçberli halkara çäreleriň üstünlikli geçirilmegi mynasybetli türkmen halkyny gutlady. Bu barada «Watan» habarlar gepleşiginde habar berildi.

Türkmen halkynyň Milli Lideri Gutlagynda Halkara parahatçylyk we ynanyşmak ýylynda ýurtda uly üstünlikleriň gazanylandygyny, Türkmenistanyň hemişelik Bitaraplyk hukuk ýagdaýynyň BMG tarapyndan üçünji gezek ykrar edilendigini, munuň hemişelik Bitaraplygyň 30 ýyllygy bellenilýän ýylyň ähmiýetini has-da artdyrandygyny belledi.

Mundan başga-da, Halk Maslahatynyň Başlygy Türkmenistanyň Prezidentini «Türkmenistanyň Bitaraplygynyň 30 ýyllygyna» atly ýubileý medalyna mynasyp bolmagy, şeýle hem «Türkmenistanyň Bitaraplygy – parahatçylygyň we ynanyşmagyň aýdyň ýoly» atly kitabynyň neşir edilmegi bilen tüýs ýürekden gutlady.

Türkmen halkynyň Milli Lideri Gutlagynyň dowamynda ýetip gelýän bedew ýylynyň düşümli bolmagyny, geljek ýylyň Türkmenistana rysgal-bereket getirmegini, uly üstünlikleriň dowamat dowam bolmagyny arzuw etdi.

12-nji dekabrda Aşgabatda Türkmenistanda parahatçylyk we ynanyşmak forumy, Halkara Bitaraplyk gününe hem-de Türkmenistanyň hemişelik Bitaraplygynyň halkara derejede ykrar edilmeginiň 30 ýyllygyna bagyşlanan baýramçylyk çäreleri geçirildi. Ýokary wekilçilikli forumda Türkmenistanyň Prezidenti çykyş edip, möhüm başlangyçlary öňe sürdi. TDH-niň habar bermegine görä, döwlet Baştutanynyň çykyşynda, hususan-da, şeýle diýilýär:

«Hormatly döwlet we hökümet Baştutanlary!

Hormatly halkara guramalaryň ýolbaşçylary!

Hormatly wekiliýetleriň Baştutanlary we agzalary!

Hanymlar we jenaplar!

Sizi Türkmenistanda parahatçylyk we ynanyşmak forumyna, Halkara Bitaraplyk gününe hem-de Türkmenistanyň hemişelik Bitaraplygynyň halkara derejede ykrar edilmeginiň 30 ýyllygyna bagyşlanan baýramçylyk çärelerine gatnaşýandygyňyz üçin ýurdumyzyň halkynyň adyndan mähirli gutlaýaryn. Bu foruma döwlet we hökümet Baştutanlary, iri we abraýly halkara guramalaryň ýolbaşçylary, görnükli syýasatçylar, parlament agzalary, diplomatlar, alymlar, jemgyýetçilik işgärleri gatnaşýarlar. Myhmanlarymyzy türkmen topragynda görmek biziň üçin uly hormat we abraýdyr. Türkmenistana hoş geldiňiz!

Gadyrly dostlar!

Bu foruma iri, halkara ähmiýetli waka hökmünde garalýar. Oňa sebit, yklym we ählumumy işler barada oýlanmak, halkara syýasatda parahatçylyk, hyzmatdaşlyk, deňhukuklylyk, ynanyşmak, adalatlylyk, dialog medeniýeti hem-de özara düşünişmek ýagdaýlarynyň ykrar edilmegi üçin badalga nokady hökmünde seredilýär. Türkmenistan biziň topragymyzda şu gün dünýä gurluşynyň täze, ynsanperwer we öňdengörüjilikli esaslarynyň, ösüşiň hakyky we jogapkärli strategiýasynyň döredilýändigine kanuny esasda guwanyp biler. Şunuň bilen baglylykda, bütin dünýädäki hyzmatdaşlarymyz bilen gatnaşyklarymyzyň gazanylan derejesine ýokary baha berýändigimizi we ony aýawly saklaýandygymyzy aýratyn bellemek isleýärin. Şu şanly günlerde biziň dostlugymyzyň, özara düşünişmegimiziň, döredijilikli maksatlara ýetmäge hyjuwymyzyň mundan beýläk-de tassyklanmasyny tapjakdygyna ynanýaryn. Halkara parahatçylyk we ynanyşmak ýylyna, Halkara Bitaraplyk gününe, Türkmenistanyň Bitaraplygynyň 30 ýyllygyna bagyşlanan halkara forumy açyk diýip yglan edýärin.

Hormatly foruma gatnaşyjylar!

Häzirki halkara forumy geçirmek dünýä syýasatynda kadalary, gymmatlyklary we ölçegleri ykrar etmek hem-de berkitmek boýunça Türkmenistanyň köpýyllyk yzygiderli işiniň netijesidir. Biziň pikirimizçe, olar halkara gatnaşyklaryň ähli häzirki zaman ulgamynyň hukuk we dünýägaraýyş babatda esasyny düzmelidir. Parahatçylygy we ynanyşmagy şeýle esas hökmünde jar edip, biziň ýurdumyz ençeme möhüm ädimleri ätdi, başlangyçlary öňe sürdi. Olar dünýäde düşünmek bilen kabul edildi, hyzmatdaşlarymyz tarapyndan goldanyldy.

Türkmenistanyň teklibi boýunça Birleşen Milletler Guramasynyň Baş Assambleýasynyň 2025-nji ýyly “Halkara parahatçylyk we ynanyşmak ýyly” diýip yglan etmek baradaky Kararnamasynyň kabul edilmegi bilelikdäki işiň netijesi boldy. Munuň özi biziň umumy üstünligimizdir. Birleşen Milletler Guramasynyň ähli agza döwletleriniň syýasy ýolbaşçylarynyň öňdengörüjiliginiň, jogapkärçiliginiň, pähim-paýhasynyň netijesidir. Pursatdan peýdalanyp, men bu möhüm çözgüdi goldandyklary hem-de ony kabul etmäge goşan goşantlary üçin olara, şeýle hem halkara guramalaryň ýolbaşçylaryna we wekillerine tüýs ýürekden minnetdarlygymy bildirýärin.

Parahatçylygyň we ynanyşmagyň konseptual kadalarynyň Türkmenistanyň milli kanunçylygynda öz beýanyny tapandygyny aýtmalydyrys. Şu ýylyň sentýabrynda «Bitarap Türkmenistanyň parahatçylyk we ynanyşmak syýasatynyň hukuk esaslary hakynda» Türkmenistanyň Konstitusion kanuny kabul edildi. Bu Kanunda Bitaraplyk, deňhukuklylyga, özara hormatlamaga, hyzmatdaşlyga, hoşniýetli goňşuçylyga, güýç ulanmazlyga, gapma-garşylyklaryň öňüni almaga, islendik halkara meseleleri diňe parahatçylykly, syýasy-diplomatik serişdeler we usullar arkaly çözmäge, beýleki ýurtlaryň içerki işlerine gatyşmazlyga, halkara hukugyň umumy ykrar edilen kadalaryny ileri tutmaga, adam hukuklaryny, azatlyklaryny hormatlamaga, ençeme beýleki örän möhüm borçnamalara üýtgewsiz eýermek esasy kadalar hökmünde berkidilýär. Konstitusion kanunyň kabul edilmegi halkara gatnaşyklaryň subýekti hökmünde Türkmenistany mundan beýläk-de ösdürmekde tapgyrlaýyn waka öwrüldi. Biziň pugta parahatçylygy we durnuklylygy gazanmaga hem-de gorap saklamaga esaslanan strategik ugrumyzyň dogrudygynyň we üýtgewsizdiginiň subutnamasy boldy.

Hut ýönekeý bolmadyk geosyýasy ýagdaýlaryň häzirki döwründe parahatçylygyň we ynanyşmagyň aýratyn ähmiýete eýe bolýandygyna ynanýaryn. Bu düşünjelere barabar baha bermek, olary dünýä syýasatynyň jedelsiz kadalary hökmünde berkitmek häzirki zamanyň gurluşy barada oýlanmakda netijeli öňegidişlikdir. Howply gapma-garşylyk ýagdaýyndan howpsuzlygyň hem-de ösüşiň ählumumy gurluşynyň netijeli, hakyky, sazlaşykly esaslaryny ýola goýmaga tarap ädimdir. Türkmenistan bu netijäni diňe bilelikde, umumy syýasy, dünýägaraýyş, ynsanperwer esasda BMG-niň Tertipnamasyna we halkara hukugyň ykrar edilen kadalaryna daýanyp, döwletleriň, halkara institutlaryň tagallalaryny birleşdirmek arkaly gazanyp bolar diýen garaýyşdan ugur alýar.

Hormatly foruma gatnaşyjylar!

Halkara parahatçylyk we ynanyşmak ýyly örän möhüm taryhy ýubileýe — ýurdumyzyň hemişelik Bitaraplygynyň halkara derejede ykrar edilmeginiň 30 ýyllygyna gabat gelýär. BMG-niň Baş Assambleýasynyň çözgütlerinde, Türkmenistanyň Konstitusiýasynda berkidilen syýasy-hukuk ýagdaýy bolan hemişelik Bitaraplyk biziň halkara giňişlikdäki ähli ädimlerimizi, Türkmenistanyň gazanan üstünliklerini hem-de ägirt uly netijelerini kesgitleýär. Bitaraplyk, parahatçylyk söýüjilik we açyklyk netijesinde häzirki döwürde Türkmenistan onlarça döwlet bilen ikitaraplaýyn, köptaraplaýyn düzümleriň çäklerinde esasy halkara institutlar bilen ynanyşmagyň hem-de özara düşünişmegiň, hyzmatdaşlygyň görlüp-eşidilmedik derejesine ýetdi.

Bitaraplyk we onuň netijesi bolan «Açyk gapylar» daşary ykdysady syýasaty içerki ösüş üçin amatly daşarky şertleri üpjün edip, Türkmenistana ykdysady, durmuş ösüşiniň ýokary depginlerini gazanmaga mümkinçilik berýär. Ilatyň durmuşynyň derejesini we hilini ýokarlandyrmaga, depginli söwda, maýa goýum hyzmatdaşlygyny alyp barmaga, iri halkara taslamalary amala aşyrmak üçin özüne çekiji, ygtybarly we geljegi uly hyzmatdaş bolmaga şert döredýär.

Bitaraplyk Türkmenistanyň, şu ýyl 80 ýyllyk ýubileýi bellenilýän Birleşen Milletler Guramasy bilen strategik dialogynyň esasy şerti hökmünde çykyş edýär. Möhüm ählumumy sebit meselelerini çözmekde, Durnukly ösüş maksatlaryny gazanmakda, has giň ugurlar boýunça halkara hyzmatdaşlyga adalatly we sazlaşykly çemeleşmeleri taýýarlamakda BMG-niň biziň ýurdumyza jogapkärli hem-de netijeli hyzmatdaş hökmünde garaýandygyny aýratyn bellemek isleýärin. Biz Birleşen Milletler Guramasy bilen hyzmatdaşlygyň ugurlaryny giňelderis, milli, sebit hem-de ählumumy maksatnamalary döretmäge we amala aşyrmaga ünsi jemlemegi, olara ýöriteleşdirilen düzümleri çekmegi gazanarys. Türkmen döwletiniň Bitaraplyk hukuk ýagdaýynyň halkara we sebit durnuklylygyny, howpsuzlygyny üpjün etmäge netijeli, döredijilikli täsiri aýdyň görünýär. Munuň özi Birleşen Milletler Guramasynda türkmen Bitaraplygynyň artýan goldawynda öz beýanyny tapýar. 1995-nji, 2015-nji we 2025-nji ýyllarda Baş Assambleýanyň «Türkmenistanyň hemişelik Bitaraplygy» atly Kararnamalarynyň biragyzdan kabul edilmegi munuň aýdyň ýüze çykmasy boldy. Biziň ýurdumyzyň başlangyjy boýunça birnäçe ýyl mundan ozal BMG-niň çäginde Bitaraplygyň dostlary toparynyň döredilmegi hem munuň bir mysalydyr. Bu mysallar Bitaraplygyň, onuň binýatlyk kadalarynyň halkara gatnaşyklaryň tejribesinde barha ähmiýetli we möhüm ýagdaýa öwrülýändigine şaýatlyk edýär.

Şeýle bolansoň, biz Bitaraplygyň üýtgewsiz gurluş däl-de, döwür bilen aýakdaş gidýän hem-de täze üýtgeşmelerdir meýillere seslenýän janly döredijilik ýagdaýydygyny hemişe belleýäris. Şunuň bilen baglylykda, Türkmenistan häzirki zamanyň halkara syýasatynyň möhüm bölegi hökmünde öňüni alyş diplomatiýasyny öňe sürýär. Häzirki şertlerde onuň aýratyn zerurlykdygyna, gapma-garşylyklaryň öňüni almaga, agzalalyklary we çaprazlyklary öz wagtynda parahatçylykly gepleşiklere ugrukdyrmaga ýardam bermäge ukyplydygyna ynanýarys. Şoňa görä-de, biz Bitaraplygy syýasy we iş ýüzündäki platforma hökmünde peýdalanmagy teklip edýäris. Şonuň esasynda häzirki döwürde ylalaşygy, düşünişmegi, ýaraşygy gazanmagyň ýollaryny we usullaryny işläp taýýarlamak mümkindir. Bu babatda Bitaraplyk bähbitleriň ýakynlaşmagynyň we sazlaşygynyň, hormat goýmak, deňhukuklylyk dialogynyň, pragmatik, özara bähbitli hyzmatdaşlygyň nusgasyna, ahyrky netijede, ählumumy geosyýasy deňagramlylygy gazanmagyň şertleriniň birine öwrülip biler diýip hasap edýärin. Özara bähbitli, dostlukly halkara gatnaşyklary öz Bitaraplyk syýasaty netijesinde ösdürýän Türkmenistanyň tejribesi Bitaraplygyň uly mümkinçilikleriniň bardygyny we ony Ýer ýüzüniň dürli künjeklerinde ulanyp boljakdygyny görkezýär diýip pikir edýärin.

Parahatçylygy döretmek ulgamynda öňüni alyş diplomatiýasynyň syýasy-diplomatik serişdelerini we usullaryny giňden peýdalanýan Milletler Bileleşiginiň baý tejribesine esaslanyp, şeýle hem Bitaraplygyň tejribe häsiýetini ösdürmek, ylmy-barlag, bilim işini amala aşyrmak maksady bilen, Türkmenistan BMG bilen hyzmatdaşlykda Parahatçylyk we bitaraplyk uniwersitetini döretmegi teklip edýär. Bu başlangyjyň goldaw tapjakdygyna umyt edýäris hem-de dostlarymyz we hyzmatdaşlarymyz bilen şu meselä jikme-jik seretmäge taýýardygymyzy beýan edýäris.

Türkmen Bitaraplygy barada aýtmak bilen, onuň ýene-de bir aýratynlygy hakynda aýratyn durup geçmek isleýärin. Biziň Bitaraplygymyz Türkmenistanyň hakyky özygtyýarlylygynyň we Garaşsyzlygynyň kanunalaýyk netijesidir. Özbaşdak, oýlanyşykly, yzygiderli Bitarap daşary syýasaty alyp baryp, biz, ozaly bilen, öz döwletliligimiziň berk esaslaryna, taryhy dowamatlylygymyza, türkmen halkynyň agzybirligine we goldawyna, ähli halklardyr döwletler bilen parahatçylykda, ylalaşyklylykda, hoşniýetli goňşuçylykda ýaşamagy wesýet eden ata-babalarymyzyň köpasyrlyk tejribesine daýanýarys.

“Türkmenistanyň Garaşsyzlygy” we “Bitaraplygy” diýen düşünjeler biri-biri bilen aýrylmaz baglanyşyklydyr, bir bitewüdir. Elbetde, biz maksatlarymyzy we wezipelerimizi halkara bileleşigiň, bütin dünýädäki köp sanly dostlarymyzyň hem-de pikirdeşlerimiziň giňden goldaýandygyny, olara düşünýändigini aýdyň görýäris we muňa ýokary baha berýäris. Bu goldaw Türkmenistana geljegine umytly garamaga, geljekki bilelikdäki işiniň meýilnamasyny ynamly düzmäge kömek edýär. Bizi halklaryň arasynda parahatçylygy, ynanyşmagy hem-de ylalaşygy gazanmaga, olaryň ösüşine, abadançylygyna yzygiderli, işjeň, netijeli gatnaşmaga ruhlandyrýar.

Gadyrly dostlar, foruma gatnaşýandygyňyz, Türkmenistan bilen dostlugy, hyzmatdaşlygy we özara düşünişmegi pugtalandyrmaga goşýan goşandyňyz üçin tüýs ýürekden çykýan minnetdarlygymy ýene-de bir gezek kabul ediň!».

В период с 2 по 5 декабря международные эксперты E-Governance Academy из Эстонии провели специализированные курсы по кибербезопасности, а также по новым технологиям и искусственному интеллекту (AI) в цифровом государственном управлении.

Тренинги были организованы Программой развития ООН (ПРООН) в сотрудничестве с Министерством связи Туркменистана и Академией государственной службы при Президенте Туркменистана и явились продолжением инициативы по повышению квалификации государственных служащих при поддержке E-Governance Academy.

В тренингах приняли участие 80 сотрудников цифровых подразделений, IT-специалистов и преподавателей ведущих университетов Туркменистана.

Курс был сосредоточен на практическом применении современных цифровых инструментов в государственном управлении с акцентом на ответственную интеграцию искусственного интеллекта для повышения эффективности и качества предоставления государственных услуг. Параллельно курс по кибербезопасности учитывал растущую сложность киберугроз и обеспечил участников ключевыми навыками защиты цифровой инфраструктуры и устойчивости электронных государственных систем, сообщается в пресс-релизе ПРООН.

Всего же рамках инициативы по повышению квалификации государственных служащих обучение прошли 120 участников, получившие новые компетенции для поддержки развивающейся системы цифрового управления страны. Помимо удовлетворения текущих потребностей в навыках, программа способствует созданию устойчивой долгосрочной системы непрерывного профессионального образования, укрепляя возможности Академии государственной службы как национального центра обучения и повышения квалификации государственных служащих.

Программа также направлена на продвижение карьерного роста на основе заслуг, развитие профессиональных навыков молодых специалистов, особенно женщин, и их подготовку к будущим руководящим ролям в государственном управлении.

Важным этапом сотрудничества стало подписание Меморандума о взаимопонимании между Министерством связи Туркменистана и E-Governance Academy (Эстония) 13 ноября. Меморандум создает основу для долгосрочного сотрудничества и обеспечивает доступ к специализированной консультативной и образовательной поддержке по мере продвижения цифровых реформ в Туркменистане.

mincom.gov.tm/tk/news/15276/

Hormatly Prezidentimiz Serdar Berdimuhamedow Rumyniýanyň Prezidenti Nikuşor Dana we ýurduň ähli halkyna Rumyniýanyň Milli güni mynasybetli mähirli gutlaglaryny, iň gowy arzuwlaryny iberdi.

Döwlet Baştutanymyz mümkinçilikden peýdalanyp, Prezident Nikuşor Dana tüýs ýürekden berk jan saglyk, bagtyýarlyk, ýurduň halkyna bolsa parahatçylyk, abadançylyk hem-de rowaçlyk arzuw etdi.